Harami!
Është koha kur ata që kanë bërë lekë të pistë me detyrat dhe funksionet e shtetit i ka kapur stresi. Stres si dhe ku t’i mbajnë lekët, si të sillen me lekët me pasurinë, që dje se kishin menduar, madje dhe ëndërruar e sot e kanë, e kanë të pamatë.
Si t”i gëzojnë lekët haram që iu kanë marrë njerëzve me lloj lloj dallaveresh e allishverishesh. Iu dalin përpara pranga, burgje, gjynahe e mashtrime sepse një ditë në një mënyrë ose në një tjetër do “paguash” për faturat e gjynaheve.
Hesapet janë hesape dhe ato nuk mbyllen lehtë, sidomos kur janë me lekë haram, që merhumë e sorollopë i kanë përfituar si ziliqarë dhe makutër dhe i mbajnë në mure e dyshekë fshehur, iu myken në zgavra të errëta të shtëpive e vilave rezidenciale plot luks të Tiranës, pasi erdhën me valixhe druri dhe me asnjë kacidhe në xhep, e sot vetja u duket mbret.
Ehhh bota e tahmasë i ka të gjitha, ato që ke marrë pa të drejtë sot, do t’i kthesh në një mënyrë a një tjetër mot.
Se harami, është haram!